1.1. Hazırkı Razılaşma İstifadəçilərin https://tunel.az Servisindən istifadəsinin ümumi şərtlərini müəyyən edir.

1.2.1. Tunel.az və ya Servis(Vebsayt) – İnternet şəbəkəsində  https://tunel.az (domenin bütün səviyyələri də daxil olmaqla) ünvanında yerləşən və Interfeysin proqram təminatı, məlumatlar və qrafik tərtibatı (dizaynı) toplusundan ibarət elektron səhifə.

1.2.2. Administrasiya – Azərbaycan Respublikasının qanunvericiliyinə uyğun olaraq qeydiyyatdan keçmiş və fəaliyyət göstərən “MAMMADOFF AGENCY MMC, VÖEN: 7200653321”. Servisə dair bütün mülkiyyət hüquqları müstəsna olaraq Şirkətə aiddir.

1.2.3. İstifadəçilər – razılaşma şərtlərini qəbul etmiş saytdan istifadə edən İnternet şəbəkəsinin istifadəçiləri

1.2.4. Şəxsi kabinet(hesab) – İstifadəçinin Saytdakı Şəxsi bölməsi və ayarlarının toplusudur. İstənilən İstifadəçi yalnız bir Şəxsi kabinetə sahib olma hüququna sahibdir.

1.2.5. Giriş – İstifadəçiyə unikal identifikator təyin etməklə, Şəxsi kabinetə girişin təmin edilməsi prosesi

1.2.6. İstifadəçinin Şəxsi məlumatları – İstifadəçinin Sayta daxil olarkən və ya ondan istifadə edərkən özü haqqında müstəqil şəkildə təqdim etdiyi məlumatlar toplusu, eyni zamanda İstifadəçinin Saytdan istifadə prosesində də avtomatik olaraq Administrasiyaya ötürülən şəxsi məlumatları, İP-ünvanı, cookie-məlumatları, İstifadəçinin brauzeri haqqında məlumatlar və digər İstifadəçi məlumatları

1.2.7. Məlumat – İstifadəçi və ya Administrasiya tərəfindən Saytda yerləşdirilən istənilən məlumat

1.2.8. Spam – alanlar tərəfindən kütləvi, icazəsiz və/və ya istifadəçilərin gözləmədiyi reklam, məlumat, təbliğat xarakterli və ya digər poçt göndərişləri

1.2.9. Məhsul (Mal) – İstifadəçinin Saytda yerləşdirdiyi hər hansı məhsul (nəqliyyat vasitəsi və ya onun ehtiyyat hissələrinin satılması,lizinqə, icarəyə verilməsi), xidmət(avtoservislərin,ayrı-ayrı ustaların öz xidmətini təklif etməsi) və ya iş habelə digər maddi və qeyri-maddi obyektlər.

1.2.10. Elan – İstifadəçi tərəfindən Saytda yerləşdirilmiş və qeyri-müəyyən sayda şəxslərə ünvanlanmış (əlaqə məlumatları, fotoşəkillər və hər hansı əlaqəli məlumatlar da daxil olmaqla) Məhsul haqqında təklif

1.2.11. Xidmətlər – Saytın İstifadəçiləri üçün funksional imkanlar

1.2.12. Reklam – İstifadəçinin Servisdən istifadə zamanı Şəxsi hesabında yerləşdirdiyi elanların irəlilədilməsi məqsədilə istifadə etdiyi ödənişli xidmət.

1.2.13. Endirim – Elanların irəlilədilməsi üçün tətbiq olunan ödənişli Xidmətlərin faktiki qiymətlərinin azaldılması.

1.2.14. Verifikasiya prosesi – İstifadəçinin verifikasiya səhifəsində göstərdiyi telefon nömrəsinə,e poçt ünvanına Administrasiya tərəfindən SMS-mesaj şəklində göndərilən kodun verifikasiya səhifəsindəki  xanaya daxil edilməsi yolu ilə İstifadəçinin həqiqiliyinin yoxlanılmasının həyata keçirilməsi nəzərdə tutulur. 

1.2.15. Qanunvericilik – Azərbaycan Respublikası ərazisində qüvvədə olan və tətbiq edilən qanunlar, fərmanlar, qərarlar, sərəncamlar, qaydalar, təlimatlar və digər normativ-hüquqi aktlar.

1.3. Hazırkı İstifadəçi Razılaşmasında istifadə olunan və "Anlayışlar" bəndində əksini tapmayan istənilən terminlər və təriflər İstifadəçi Razılaşmasının mətnindən irəli gələn mənaya uyğun olaraq təfsir olunacaqdır. İstifadəçi Razılaşmasında istifadə edilən terminə və ya tərifə şərhi dair hər hansı fikir ayrılığı yaranarsa, Administrasiya tərəfindən müəyyən edilən şərh tətbiq ediləcəkdir.

1.4. Hazırkı Razılaşma ictimai (ümumi) ofertadır və Administrasiya ilə İstifadəçilər arasında münasibətləri tənzimləyir.

Bu Müqavilə aşağıdakılardan ibarətdir:

1.4.1. bu şərtlər;

1.4.2. Servisdə göstərilən ayrı-ayrı şərtlər və qaydalar. Məsələn, Servisdə şəxsi hesabların açılması qaydaları, digər təlimatlar, Məxfilik Siyasəti və.s;

1.4.3. bu Müqavilə ilə əlaqədar Servisin digər şərtləri.

1.4.4. Servis xidmətlərindən istifadə edilmə qüvvədə olan qanunvericiliyin normaları, həmçinin də hazırkı Razılaşma ilə tənzimlənir.

1.5.  Müqavilə Xidmətlərin göstərilməsi zamanı Servis və İstifadəçi arasında yaranan öhdəlik münasibətlərinin ümumi şərtlərini müəyyənləşdirir. Bu şərtlər gələcəkdə Tərəflər arasında Müqaviləyə əsasən Servisdə Xidmətlərin göstərilməsi haqqında ayrı-ayrı sazişlərin bağlanması yolu ilə təkmilləşdirilə və dəqiqləşdirilə bilər.

1.6. Servisin xidmətlərindən istifadə etməklə İstifadəçi hazırkı Razılaşmanı aksept edərək ona qoşulur. Servisin xidmətlərindən istifadə ilə bağlı təlimatlara riayət etməsinə dair şərtləri və öhdəlikləri tam həcmdə qəbul edir.

1.7. Digər İstifadəçiləri yanıltmaq, çaşdırmaq və ya aldatmaq niyyəti ilə başqa adamların, qrupların və ya təşkilatın adından hərəkət etmək qadağandır.

1.8. Saytın funksional imkanlarından istifadəsi məhdudlaşdırılmış və ya məlumatları etibarlılığını itirmiş İstifadəçinin Administrasiyanın icazəsi olmadan Vebsaytdan yenidən istifadə etmək hüququ yoxdur.

1.9. İstifadəçi o haqda müddəanı qəbul edir ki, Servisin bütün materialları və xidmətləri və ya onların istənilən hissəsi reklam materialı kimi istifadə edilə bilər. İstifadəçi onunla razıdır ki, Administrasiya hər hansı məsuliyyəti daşımır və İstifadəçi bu cür reklama münasibətdə Administrasiyaya qarşı iddialardan imtina edir.

1.10. İstifadəçinin özü haqqında təqdim etdiyi şəxsi məlumatların doğruluğu məsələsinə Administrasiya tərəfindən heç bir halda zəmanət verilə bilməz.

1.11. İstifadəçiyə tövsiyyə olunur ki Servisin təklif etdiyi bütün vasitələrdən istifadə etməklə hər hansı məhsul və ya xidmət barədə razılaşdığı qarşı tərəf yəni digər İstifadəçi ilə ünsiyyətdə olsun.

1.12. Xidmətlərə girişi dayandırılmış və ya məlumatları etibarsız olan İstifadəçi, Administrasiyanın xüsusi icazəsi olmadan təkrar olaraq qeydiyyatdan keçmək hüququna malik deyildir. Belə İstifadəçi həmçinin Servisə və onun xidmətlərinə giriş üçün başqa İstifadəçinin qeydiyyat məlumatlarından istifadə etmək hüquqlarından da məhrum edilir.

1.13. Administrasiyanın istənilən vaxt İstifadəçini SMS-verifikasiya vasitəsilə verifikasiya etmək hüququ vardır. İstifadəçi verifikasiyadan keçmədiyi təqdirdə, Administrasiya  istifadəçinin Servisdən istifadə imkanlarını qadağan edə və ya məhdudlaşdıra bilər.

1.14. Servisdə qeydiyatdan keçmədən, yəni Şəxsi kabinet yaratmadan elan paylaşan istifadəçilərə də hazırki razılaşmada qeyd olunan müddəalar şamil edilir və bu qaydalara əməl etmək tələb olunur.

1.15. Servisdə qeydiyyatı olmayan sadəcə elan paylaşaraq öz Məhsulunu təklif edən şəxslə kontragenti arasında yaranan mübahisələrdə Administirasiya heç bir tərəf olmadığı üçün hər hansı məsuliyyət daşımır.

2.1. Administrasiya xüsusi forma doldurulduqdan sonra, Administrasiya tərəfindən bloklanmış İstifadəçilər istisna olmaqla Servisdə qeydiyyatdan keçmiş bütün İstifadəçilərə Vebsaytda öz şəxsi hesablarını açmaq, şəkil və videolar paylaşmaq, elan yerləşdirmək hüququ verir.

2.2. İstifadəçi qanunvericilik və ya beynəlxalq hüququn normaları pozulması kimi baxıla bilən hərəkətləri, həmçinin Servisin normal işinin pozulmasına gətirib çıxaran və ya gətirib çıxara biləcək istənilən hərəkətlərə təşəbbüs etməməyə razılaşır.

2.3. Adminstrasiya məhsul ilə bağlı əqdlərin təşkilatçısı,alıcısı,satıcısı və vasitəçisi deyil. Bu məsələlərlə bağlı bağlanan müqavilələrdə (şifahi və ya yazılı) tərəf olmadığı üçün gələcəkdə istifadəçilər arasında yaranacaq mübahisələrdə məsuliyyət daşımır. Məhsullar üzrə bütün əqdlər İstifadəçilər arasında birbaşa bağlanılır.

2.4. Administrasiya elanların məzmununa, digər resurslara keçidlərə və elanların təsvirində göstərilən digər məlumatlara görə məsuliyyət daşımır.

2.5. İstifadəçinin təqdim etdiyi elanın, məlumatların və informasiyanın dərc edilməsi hüququnun Administrasiya tərəfindən əldə edilməsi məqsədi ilə İstifadəçi məlumatların, təsvirlərin, fotoşəkillərin, video və audio materialların, məlumat bazalarının, eləcə də bütün məlum və ya naməlum məlumat daşıyıcıları vasitəsilə İstifadəçi tərəfindən təqdim edilmiş istənilən digər məlumatların hər yerdə qüvvədə olan, müddətsiz, geri götürülməyən, qeyri-müstəsna olaraq istifadəsi, yayılması, emalı, nümayişi, surətinin çıxarılması, təkrarlanması üzrə hüququ Administrasiyaya verir. Bu hüquqlar Administrasiyaya təmənnasız olaraq verilir və bununla yanaşı İstifadəçi özünün yerləşdirdiyi məlumatlara giriş hüququnu Servisin bütün İstifadəçilərinə verir.

2.6. İstifadəçinin Servisdə istənilən informasiyanı və məlumatları təqdim etməsi ilə əlaqədar üçüncü şəxslərin hüquqlarının pozulmasına görə Administrasiya məsuliyyət daşımır.

2.7. İstifadəçi, bütün patentlər, əmtəə nişanları, kommersiya sirləri, əqli mülkiyyət hüquqları da daxil olmaqla Məhsul, informasiya və məlumatlar üzərində bütün lazımi hüquqlara, lisenziyalara, icazələrə və ya üçüncü şəxslərin adlarının, təsvirlərinin və ya digər obyektlərinin istifadəsinə dair həmin şəxslərin müvafiq yazılı razılığına, lisenziyasına və ya icazəsinə sahib olduğuna dair zəmanət verir və bunu təsdiq edir.

2.8. Servis İstifadəçidən yerləşdirilmiş Mal haqqında əlavə məlumatı və İstifadəçi tərəfindən verilmiş məlumatları təsdiqləyən sənədləşməni tələb etmək hüququna malikdir. Servis belə sənədləşmənin və ya informasiyanın verilməsinə qədər nəşri saxlamaq hüququna malikdir.

2.9. Mülki dövriyyədən çıxarılmış obyektlər istisna olmaqla, habelə qanunvericiliklə tələb olunduğu təqdirdə İstifadəçinin xüsusi icazəsi olduqda, habelə Servisdə qüvvədə olan istifadə qaydalarına riayət etmək şərti ilə İstifadəçi Servisdə ona məxsus olan istənilən malları satmaq etmək hüququna sahibdir. İstifadəçi Administrasiyanın tələbi ilə belə xüsusi icazə verməyi öz öhdəsinə götürür.

2.10. Servis xidmətlərinin keyfiyyətinin yüksək səviyyəsini qoruyub saxlamaq üçün Administrasiya İstifadəçinin Servisdəki aktiv elanlarının sayını məhdudlaşdırmaq, eləcə də İstifadəçinin Servisdəki hərəkətlərini məhdudlaşdırmaq hüququnu özündə saxlayır.

2.11. Elanda Malın İstifadəçi tərəfindən göstərilmiş təsviri bu Malın satışı şərtlərini təşkil edir.

2.12. Elanda göstərilən Malın satış şərtləri, eləcə də elanın digər şərtləri həm elanın yerləşdirilməsi anında, həm də gələcəkdə qüvvədə olan qanunvericiliyə və hazırkı Razılaşmaya zidd olmamalıdır. Qüvvədə olan qanunvericiliyə və/və ya Razılaşmaya dəyişikliklər edilməsi nəticəsində elanın hər hansı bir şərti qanunvericiliyə və ya hazırkı Razılaşmaya uyğun gəlmədikdə istənilən uyğunsuzluqları qaldırmaq məqsədilə belə şərtlərə və ya belə elana İstifadəçi tərəfindən əlavələr və dəyişikliklər edilməlidir. Sözügedən dəyişikliklərin edilməsinin mümkün olmadığı hallarda isə, belə elan İstifadəçi tərəfindən silinməlidir. Hazırkı bənddə göstərilən hallar baş verdikdə, Administrasiya İstifadəçiyə əvvəlcədən xəbərdarlıq etmədən belə elanların redaktə edilməsi və ya silinməsi üzrə hərəkətləri həyata keçirmək hüququnu özündə saxlayır.

2.13. Elanda özündə satış, istifadə haqqında təklifləri və ya mallar və xidmətlər haqqında başqa informasiyanı saxlayan internet saytların səhifələrinə istinadları qoymaq qadağandır.

2.14. İstifadəçilər Administrasiyanın razılığı olmadan bu müqavilə üzrə hüquq və ya öhdəliklərini ötürə bilməz.

2.15. Administrasiyanın hüquq və öhdəlikləri başqalarına verilə bilər. Məsələn, bu, mülkiyyət dəyişdikdə (birləşmə, aktivlərin alınması və ya satışı zamanı) və ya qanunla baş verə bilər.

2.16. İstifadəçi Administrasiyanın icazəsi olmadan Servisə girişin alınması üçün avtomatik proqramlardan istifadə etməməyi öhdəsinə götürür. Elanları yerləşdirməyə icazə verən kompüter proqramlarından istifadə elanların yerləşdirilməsinin adi sırasını keçərək, Administrasiyanın yazılı icazəsi olmadığı halda, qadağandır. 

2.17. Hazırkı Razılaşmanın və ya üçüncü şəxsin hüquqlarını pozan məlumatın təqdim edilməsi İstifadəçiyə qadağandır:

2.17.1. yanlış, qeyri-dəqiq və ya yanıldıcı olmamalıdır;

2.17.2. vulqar və təhqiramiz ifadələrdən ibarət olmamalıdır;

2.17.3. fırıldaqçılığa, aldatmağa və ya etibardan sui-istifadəyə yol verməməlidir;

2.17.4. oğurluq və ya saxta əşyalarla əqdlərin bağlanmasına səbəb olmamalıdır;

2.17.5. üçüncü şəxsin mülkiyyətini, onun kommersiya sirrinə yaxud onun şəxsi həyatının toxunulmazlığı hüququnu pozmamalıdır;

2.17.6. kimsənin şərəfini, ləyaqətini və ya işgüzar nüfuzunu təhqir edəcək məlumatlardan ibarət olmamalıdır;

2.17.7. digər şəxslərin buna açıq-aşkar razılığı olmadan onlar haqqında şəxsi və ya eyniləşdirici məlumatlardan ibarət olmamalıdır;

2.17.8. kiməsə qarşı böhtandan və təhdiddən ibarət olmamalıdır;

2.17.9. cinayətin törədilməsinə təşviq etməməli, eləcə də millətlərarası ədavəti qızışdırmamalıdır;

2.17.10. siyasi xarakterli hər hansı paylaşım etməməli,terror və ekstremist fəaliyyətə səbəb, dəstək olmamalı və onlara təşviq etməməlidir;

2.17.11. pornoqrafik xarakter daşımamalıdır;

2.17.12. xüsusilə də istənilən sistemə və ya sistemin özünə, yaxud onun bir hissəsinə, yaxud da şəxsi məlumatlarına və ya digər məlumatlara (Servis məlumatları da daxil olmaqla) zərərin vurulmasına, onlara icazəsiz daxil olmağa, onların məlumatlarının gizli ələ keçirilməsinə və ya mənimsənilməsinə yönəlmiş kompüter viruslarından, eləcə də digər kompüter proqramlarından ibarət olmamalıdır;

2.17.13. əxlaq normalarına və ya qanuna zidd olan fahişəlik yaxud digər formalar da daxil olmaqla, lakin bunlarla məhdudlaşmayaraq, əxlaqsız hesab edilən sevislər haqqında məlumatlardan ibarət olmamalıdır;

2.17.14. üçüncü şəxslərin əqli mülkiyyət hüquqlarını, vətəndaşın təsvir olunma hüququnu və üçüncü şəxslərin digər hüquqlarını pozmamalıdır;

2.17.15. qüvvədə olan qanunvericiliyə dair digər pozuntulara yol verməməlidir.

2.18. İstifadəçiyə digər istifadəçilərin adından çıxış etmək və onların adından ismarıc yazmaq məqsədilə həmin İstifadəçilərin adlarına oxşar İstifadəçi adlarından istifadə etmək qadağandır.

2.19. Administrasiya Məhsulun Servisdə yerləşdirilmiş elanını pisləşdirməmək şərti ilə belə Məhsulun elanını İstifadəçidən fərqli üsulda reklam etmək hüququna sahibdir.

2.20. Administrasiya Servis tərəfindən nəzarət edilən və ya edilməyən texniki səbəblərə görə istənilən Məhsulun nümayiş müddətini təxirə salmaq, bitirmək və ya uzatmaq hüququna malikdir.

2.21. Servisdə eyni Məhsulun iki və daha çox ayrı-ayrı elanlarda paylaşılması halı müşahidə edildiyi zaman sözügedən elanların hər biri Administrasiya tərəfindən silinəcəkdir.

3.1. İstifadəçilər Servisdə pullu xidmətləri sifariş edə bilərlər.

3.2. Pullu xidmətlərin növləri:

3.2.1. “Daha tez sat” xidməti

3.2.2. Ödənişli reklam

3.3. Xidmət haqları, həmçinin pullu xidmətlərin sifariş qaydası Servisin müvafiq səhifələrində göstərilmişdir.

3.4. Servisin xidmətlərini ödəmiş Servis İstifadəçisi vəsaitlərin qaytarılması xahişi ilə Administrasiyaya müraciət etmək hüququna malikdir. Pul vəsaitlərinin qaytarılmasında qaytarılma və ya imtina haqqında qərar birtərəfli qayda ilə Administrasiya tərəfindən qəbul edilir.

3.5. Administrasiya öz qərarı ilə irəlilətmə üzrə Xidmətlərin qiymətini dəyişmək hüququna malikdir. İrəlilətmə üzrə Xidmətlərin cari qiyməti hər zaman müvafiq xidmətlərin əldə edilməsi səhifəsində göstərilir.

3.6. Administrasiya pul vəsaitlərinin İstifadəçiyə qaytarılmasından imtina etmə hüququnu aşağıda sadalanan hallarda özündə saxlayır:

3.6.1. İstifadəçi hazırkı Razılaşmanın şərtlərini pozduqda

3.6.2. İstifadəçi qadağan edilmiş mallar, xidmətlər və təkliflər haqqında elan yerləşdirdikdə

3.6.3. Ödəmə sistemində hər hansı nasazlıq yaranması zamanı Servis İstifadəçilərin vasitəsilə Servis xidmətlərini ödəyən ödəmə sistemlərinin işinə görə heç bir məsuliyyət daşımır. Belə hallarda pul vasitələrinin qaytarılması haqqında məsələ fərdi qaydada həll edilir.

3.6.4. Digər hallarda Administrasiyanın qərarı üzrə.

4.1. Administrasiya İstifadəçilərə Vebsaytın fəaliyyəti, reklam və xəbər göndərişləri, Vebsaytın yeni funksiyaları və s. ilə bağlı İstifadəçilərin göstərdiyi elektron poçt ünvanlarına və ya telefon nömrələrinə həmçinin Saytın özündə də təkrarlanmış ola biləcək elektron məktublar və/və ya qısa mesajlar (SMS-mesajları) göndərmək hüququnu özündə saxlayır.

4.2. İstifadəçi razılaşır ki, bu cür mesajlar və ya onların ayrı-ayrı hissələri reklam xarakterli ola bilər və həmçinin reklam, məlumat və digər reklamları ehtiva edə bilər. İstifadəçi bu cür mesajların və onların ayrı-ayrı hissələrinin reklam xarakterli ola biləcəyini, həmçinin reklam, məlumat və digər elanlar ehtiva edə biləcəyini anlayır və qəbul edir.

4.3. Saytda dərc olunmuş mesajlar dərc olunduqları andan etibarən, İstifadəçiyə çatdırılmış hesab edilirlər.

4.4. İstifadəçinin Sayt Administrasiyası ilə yazışmaları Saytdan “Əlaqə” bölməsində göstərilən elektron poçt ünvanı qutusundan istifadə etməklə və ya qeyd olun telefon nömrəsi ilə həyata keçirilir.

4.5. İstifadəçi istənilən vaxt müvafiq sorğu göndərməklə, telefon nömrəsinə və ya elektron poçt ünvanına elektron məktub və mesaj göndərilməsindən imtina edə bilər.

5.1. Servisdə istifadə olunan proqramların, məlumatların, ticarət nişanlarının, müəlliflik hüququ obyektlərinin və digər obyektlərin toplusu onların qanuni hüquq sahiblərinin əqli mülkiyyəti hesab olunur və əqli mülkiyyət haqqında qanunvericiliklə, eləcə də müvafiq beynəlxalq hüquqi müqavilələrlə və konvensiyalarla qorunur.

5.2. Administrasiya yəni tunel.az saytının yerləşdiyi domen adının, saytın özünün,Servisin yaratdığı məlumat bazalarının (o cümlədən Servis İstifadəçilərinin məlumat bazalarının), ümumiyyətlə bütövlükdə Servisin bütün proqram təminatının müstəsna mülkiyyətçisidir.

5.3. Administrasiyanın buna yazılı razılığı olmadan Administrasiyanın əqli mülkiyyət obyektlərinin (Servisinin) tam və ya bir hissəsinin (o cümlədən, proqram təminatının) surətini çıxarmaq, onları dəyişdirmək, yaymaq, satmaq (realizə etmək), mübadilə etmək və ya icarəyə vermək, eləcə də proqram təminatını “sındırmaq” və ya onun ilkin kodunu əldə etmək qadağandır.

5.4. Hazırkı Razılaşmada nəzərdə tutulmuş hallar istisna olmaqla Servisin tərkib hissəsi olan və Administrasiyaya məxsus olan elementlərin, simvolların, mətnlərin, qrafik təsvirlərin, proqramların, məlumat bazalarının o cümlədən digər obyektlərin Administrasiyanın və ya digər qanuni hüquq sahibinin icazəsi olmadan istənilən şəkildə istifadəsi qanunsuz hesab edilmiş, qanun pozuntusuna yol vermiş şəxslərin mülki-hüquqi, inzibati və cinayət məsuliyyətinə cəlb edilməsinə səbəb ola bilər.

5.5. Hazırkı razılaşmaya uyğun olaraq, İstifadəçi aşağıdakı öhdəlikləri üzərinə götürür:

5.5.1. Servisin infrastrukturunu böyük yüklənməyə gətirib çıxara bilən heç bir hərəkətə təşəbbüs etməməyi;

5.5.2. Administrasiyanın əvvəlcədən yazılı razılığı olmadan, Vebsaytda olan hər hansı məlumatları kopyalamamağı, çoxaltmamağı, dəyişdirməməyi, yamamağı və ictimaiyyətə təqdim etməməyi;

5.5.3. Servisə girişə mane olmaq və ya məhdudlaşdırmaq məqsədi ilə Servisin işinə mane olmamağı, həmçinin avtomatik sistemlərin və ya proseslərin hərəkətinə mane olmamağı

6.1. İstifadəçi mətnin daxil edilməsinin, məlumatların əlavə edilməsinin düzgünlüyünə və müvafiq formaların doldurulmasının düzgünlüyünə görə cavabdehdir.

6.2. İstifadəçi internet şəbəkəsində mümkün dələduzluq hadisələri ilə bağlı bütün riskləri, o cümlədən, lakin bununla məhdudlaşmayaraq, elektron poçt ünvanının spam ismarıclarının göndərilmə siyahılarına keçməsi riski, elektron poçt ünvanının müxtəlif növ dələduzların əlinə keçməsi riski, telefon nömrəsinin SMS fırıldaqçılarının əlinə keçməsi riski və bu cür məlumat yerləşdirilməsindən irəli gələn digər riskləri anlayır və sözügedən məsələlərlə bağlı məsuliyyəti öz üzərinə götürür.

6.3. T Servis İstifadəçilər tərəfindən sazişlərin bağlanmasına və icrasına (həyata keçirilməsinə), sazişlərin bağlanması nəticəsində vurulmuş ziyana, əldən çıxmış faydaya, gəlirlərə, maliyyə zərərlərinə və ya vasitəli, faktiki, kənar və ya cərimə zərərlərinə, həmçinin hər hansı şəxsin qanunsuz əməlləri nəticəsində, görə məsuliyyət daşımır.

6.4. Administrasiya, onun rəhbərliyi və əməkdaşları, habelə Servisin dəstək xidməti İstifadəçinin Servisdə yerləşdirilmiş əlaqə məlumatlarının üçüncü şəxslər tərəfindən istifadəsi ilə əlaqədar İstifadəçinin əldə etdiyi istənilən məlumatların məzmununa, habelə İstifadəçinin məlumatlarının digər şəkildə istifadəsinə (başqa istifadəçi tərəfindən digər istifadəçiyə məxsus şəkil,video və ya hər hansı kontentin icazəsiz paylaşılması və.s) və həmin məlumatların istifadəsi nəticəsində yaranmış istənilən zərər və itkilərə görə heç bir məsuliyyət daşımır.

6.5. Servisə daxil olan İstifadəçi onu anlayır və razılaşır ki, Administrasiya İstifadəçi qarşısında Servisin istənilən məzmunu ilə bağlı və/və ya İstifadəçi tərəfindən həyata keçirilmiş sazişlər nəticəsində istənilən mümkün və ya yaranmış itkilərlə və ya zərərlərlə əlaqədar, müəllif hüquqlarının qeydiyyatı ilə və belə qeydiyyat haqqında məlumatlarla, Servisdə mümkün olan mallarla və ya xidmətlərlə və ya İstifadəçinin Servisdə yerləşdirilmiş informasiyadan istifadə edərək daxil olduğu başqa əlaqələri ilə, məsuliyyət daşımır və birbaşa və ya dolayı öhdəliklərə malik deyildir.

6.6. Administrasiya Servisə ötürülə bilən və ya Servis vasitəsilə üçüncü şəxslər tərəfindən çatdırıla bilən istənilən proqram nasazlıqları,viruslar və s. görə məsuliyyət daşımır.

6.7. İstifadəçi yalnız qüvvədə olan qanunvericiliyə və hazırkı Razılaşmaya uyğun olaraq hərəkət etməyi öz öhdəsinə götürür.

6.8. İstifadəçinin hüquqları Servisin digər İstifadəçisi tərəfindən pozulduqda (əqli mülkiyyət obyektinin qanunsuz istifadəsi və sair) hüquqları pozulmuş İstifadəçi müvafiq şikayət ilə Administrasiyaya müracitə edə bilər. Administrasiya şikayətə aidiyyatı üzrə baxdıqdan sonra şikayətin əsaslı olduğu qənaətinə gələrsə Administrasiyanın İstifadəçinin hüquqlarının pozulmasının qarşısını almaq üçün tədbirlər görmək hüququnu yaranır.

6.9. Administrasiya, qəsdən yol verilmiş və ya kobud səhv nəticəsində dəymiş birbaşa zərər istisna olmaqla, Saytdan istifadə ilə bağlı hər hansı potensial birbaşa və dolayı zərərə görə məsuliyyət daşımır.

6.10. Tərəflər Müqavilə üzrə öz öhdəliklərini Müqavilə bağlandığı ana əvvəlcədən görə bilməyəcəyi fors-mafor hallara (qarşısıalınmaz qüvvə hallarına) görə icra edə bilmədikdə belə öhdəliklərin gecikdirildiyi və ya pozulduğu həddə məsuliyyətdən azad olunur.

7.1. Azərbaycan Respublikası qanunvericiliyinə uyğun olaraq fors-major hesab edilən bütün hallarda Administrasiya bu sazişdə göstərilmiş hər hansı hərəkətinin gec, natamam yerinə yetirilməsinə və ya ümumiyyətlə yerinə yetirilməməsinə görə məsuliyyət daşımır.

7.2. Bu və buna bənzər hallar Administrasiya üçün gecikmə, natamam icra və ya icra edilməməsi hər hansı qanuna zidd hərəkət kimi qiymətləndirilməyəcək və ya bu hallar üçün Administrasiyadan hər hansı kompensasiya tələb oluna bilməz.

7.3. Fors-major hallar dedikdə nəzərdə tutulur:

7.3.1. Zəlzələ, daşqın, yanğın, digər təbii fəlakətlər, hərbi münaqişə və müdaxilələr, terror aktları, kütləvi iğtişaşlar, xalq çaxnaşmaları, tətillər

7.3.2. Qanunvericilikdə dəyişikliklər, dövlət orqanları tərəfindən qərarlar

7.3.3. İnfrastruktur və internet nasazlıqları, sistemlə bağlı təkmilləşdirmə və ya yeniləmə işləri və bununla əlaqədar baş verə biləcək nasazlıqlar, elektrik enerjisinin kəsilməsi və.s

7.3.4. Müvafiq tərəfin ağlabatan nəzarəti xaricində və pis hava şəraiti

7.3.5. Tərəflərin bu Müqavilənin şərtlərini yerinə yetirməsinə bilavasitə təsir edən digər hallar

8.1. Hazırkı Saziş İstifadəçinin Vebsaytdan qeydiyyatdan keçməsindən asılı olmayaraq İstifadəçi Servisin xidmətlərindən istifadə etməyə başladığı andan etibarən qüvvəyə minir və Razılaşmanın etibarlılıq müddəti müddətsizdir.

8.2. İstifadəçi, Administrasiyaya əvvəlcədən hər hansı bir xəbərdarlıq və səbəbini izah etmədən, Servisdə qeydiyyatını birtərəfli qaydada xitam etmək hüququna malikdir.

8.3. İstifadəçi hazırkı Razılaşmanın İstifadəçi tərəfindən aksept edilmiş digər əlavə sənədlərin və ya qaydaların müddəalarını və ya qüvvədə olan qanunvericilik, əxlaq və ədəb normalarını pozduqda, Servisə və ya Administrasiyaya, o cümlədən onun nüfuzuna və ya Servisin digər istifadəçilərinə hər hansı bir ziyanın vurduqda, Administrasiyanın və Servisin Siyasətinə zidd olan digər hərəkətlər etdikdə Servis öz mülahizəsinə görə İstifadəçinin girişini dayandırmaq hüququna sahibdir.

9.1. Mübahisələrin yarandığı halda hazırkı Razılaşmanın tərəfləri onları danışıqlar yolu ilə həll etməyi öhdəsinə götürürlər. Hazırkı Razılaşmanın və Servis xidmətlərinin verilməsinin icrası zamanı yaranan mübahisələr qüvvədə olan qanunvericiliyə uyğun olaraq həll edilməlidir.

9.2. Bütün mübahisələrə dair məsələlərdə Azərbaycan Respublikasının qanunvericiliyi tətbiq edilir.

9.3. İstifadə şərtlərini istənilən vaxt birtərəfli qaydada dəyişdirmək hüququnu Administrasiya özündə saxlayır və dəyişikliklərin olub-olmadığını müntəzəm olaraq yoxlamaq öhdəliyi istifadəçinin üzərinə düşür. Razılaşmanın yeni redaksiyası Servisdə dərc edilməsi tarixindən qüvvəyə minir.

9.4. İstifadəçi hazırkı Razılaşmanın şərtləriylə və ya ona edilmiş dəyişikliklərlə razılaşmadıqda, Servisə girişdən imtina etməli, Servisin xidmətlərindən istifadəni dayandırmalıdır.

9.5. Məhkəmə tərəfindən Razılaşmanın hər hansı müddəasının etibarsız və ya məcburi icraya aid olmayan kimi tanınması Razılaşmanın başqa müddəalarının etibarsız olması ilə nəticələnmir.

9.6. Hazırkı Razılaşma ilə nəzərdə tutulmamış bütün başqa şərtlər və şəraitlər, ayrı fərdi qaydada tənzimlənir.

İstifadəçi təsdiqləyir ki, hazırkı Razılaşmanın bütün bəndləri ilə tanış edilmişdir və onları sözsüz tam həcmdə qəbul edir.