Auto news — Paylaşım

📣 Bugatti Tourbillon Azərbaycanda təqdim edilib! 📌 Bugatti ən böyük satış mərkəzini Bakıda açıb 📌 Avtomobil 8.3 litrlik V16 mühərrik ilə təchiz edilib - Ötən gün Bakıda dünyanın ən böyük Bugatti satış mərkəzi Bakıda açılıb. Belə ki, bununla yanaşı Bugatti brendi öz Tourbillon adlı hiperkarını da Bakı küçələrinin sədası altında Azərbaycanda təqdim edib. Avtomobil, Alov qüllələri, dağüstü park və Heydər Əliyev Mərkəzi kimi simvolik məkanlarda çəkilmiş görüntüləri ilə sərgilənib. - Qeyd edək ki, dünyanın ən böyük satış mərkəzinin Bakıda açılmasının əsas dəstəkçilərindən biri də Nazar Holdings olub. Şirkət artıq öz tərəfdaşlığını Türkiyə, Gürcüstan, Özbəkistan, Qazaxıstan və Tacikistanı da əhatə edəcək şəkildə genişləndirib. Ümumiyyətlə, Nazar Holdings təkcə Bugatti-nin rəsmi tərəfdaşı deyil, həm də Azərbaycanda Ferrari, Lamborghini və Aston Martin kimi digər məşhur markaları təmsil edir. - Bugatti Tourbillon modeli 8.3 litrlik V16 atmosfer mühərriki ilə təchiz edilib. Hansı ki, bu mühərrik 1000 at gücü və 900 nm fırlanma anı hasil edir. Lakin elektrik mühərrikinin gücü ilə birlikdə bu göstərici 1800 at gücünə yüksəlir. Hiperkar 100 km/saat sürətə sadəcə 2 saniyəyə, 300 km/saat sürətə isə 10 saniyəyə çatır. Maksimal sürəti 445 km/saat olan avtomobili sifariş edənlər öz sifarişlərini 2026-cı ildən təhvil ala biləcək.