Auto news — Paylaşım

Xiaomi SU7 Ultra BMW M3-ü qabaqlayıb! 📌 Xiaomi SU7 Ultra kütləvi istehsal edilən ən sürətli 4 qapılı avtomobildir 📌 Avtomobilin satışları Mart ayında başlayacaq - Xiaomi brendinin Mart ayında satışa çıxaracağı SU7 Ultra modeli bu dəfə BMW M3-ü qabaqlayıb. Belə ki, avtomobil Çində Chengdu Tianfu dairəsində 1:26,741 saniyə dövrə vurmağı bacarıb. Məhz bu göstərici ilə SU7 Ultra modeli BMW M3-ün rekordunu alaraq orada da ən sürətli 4 qapılı avtomobil adını qazanıb. - Qeyd edək ki, əvvəlki rekord 1:34,905-lə BMW M3-ə məxsus idi. Ümumiyyətlə, avtomobil 1548 at gücü hasil edən və 0-dan 100 km/saat həddinə 1,98 saniyəyə sürətlənən 3 elektrik mühərriki ilə təchiz edilib. Habelə, SU7 Ultra-nın maksimal sürətinin 350 km/saatdan çox olduğu iddia edilir. Avtomobil həmçinin 11 dəqiqə ərzində batareyanı 10 faizdən 80 faizə qədər doldura bilən maksimum 5,2C doldurma cərəyanını dəstəkləyir. - İnteryerdə karbon materiallar ilə təchiz edilən bu model Qualcomm Snapdragon 8295 çipinə əsaslanır. Avtomobildə həmçinin ümumi emal gücü 508 TOPS olan iki Orin X çipindən istifadə edən qabaqcıl Xiaomi Pilot sürücü dəstək sistemi də var. Avtomobilin ilkin qiyməti 111,550 dollar olaraq təyin edilib.